बेस्ट बसला आग

बेस्ट बसला आग
सकाळ वृत्तसेवा
मुंबई, ता. १५ : विक्रोळी रेल्वेस्थानकाच्या पूर्वेहून कन्नमवारनगरकडे जाणाऱ्या बेस्ट बसच्या वायरिंगला आग लागून धूर निघाल्याचे आढळून आले. त्यामुळे बसमधील प्रवाशांची भीतीने तारांबळ उडाली. या दुर्घटनेत कोणीही जखमी झाले नसल्याचे बेस्टने सांगितले.

बेस्टची ही कंत्राटी बस होती. बस मार्ग क्रमांक ३९७ ही गाडी विक्रोळी रेल्वेस्थानकावरून कन्नमवारनगरकडे जात होती. बस प्रगती विद्यालयाच्या जवळ येताच अचानक वायरिंगला आग लागण्याची घटना घडली. बसगाडीच्या केबिनमधील वायरिंग जळाल्यामुळे बसगाडीच्या केबिनमध्ये पूर्णतः धूर झाला. बसचालक व वाहक यांनी प्रसंगावधान राखत बसगाडीतील अग्निशामक उपकरण वापरून आगीवर नियंत्रण मिळवले तसेच त्याबाबतचा संदेश अग्निशमन दलालादेखील देण्यात आला. या घटनेमध्ये कोणालाही इजा झाली नसल्याचे बेस्टच्या सूत्रांनी सांगितले.