नाना शंकरशेठ उड्डाणपुल वाहतुकीसाठी बंद

नाना शंकरशेठ उड्डाणपूल वाहतुकीसाठी बंद
सकाळ वृत्तसेवा
मुंबई, ता. १७ : नामदार जगन्नाथ उर्फ नाना शंकरशेठ उड्डाणपुलाहून लालबाग काळाचौकी परिसरात गणपती आगमन मिरवणुका काढण्यात येणार आहेत. डॉ. बाबासाहेब आंबेडकर मार्गावर वाहतूक कोंडी टाळण्यासाठी नाना शंकरशेठ उड्डाणपूल वाहतूक २३ आणि २४ ऑगस्ट रोजी सकाळी ९ ते रात्री ९ पर्यंत या कालावधीत आवश्यकतेनुसार बंद ठेवण्यात येणार असल्याची माहिती वाहतूक पोलिसांनी दिली.

वाहतूक पोलिसांनी दिलेल्या माहितीनुसार पर्यायी मार्ग म्हणून बी. ए. रोड स्लीप रोडने दादर टी. टी. जंक्शन येथून डावे वळण घेऊन टिळक मार्गाने भोईवाडा वाहतूक विभाग हद्दीतील राम मंदिर चौक बी.एस.टी. डेपो मार्गे आर.ए. के. मार्गाने चार रोडकडे वाहनचालकांना जाता येईल. तसेच दादर टी. टी. जंक्शन येथून उजवे वळण घेऊन टिळक उड्डाणपुलावरून प्लाझा सिनेमा मार्गे वरळी, माहीम व बांद्रा असे जातील. टिळक उड्डाणपुलावरून येणारी वाहने दादर टी. टी. सर्कल सरळ टिळक मार्गाने राम मंदिर चौक बी.एस.टी. डेपो मार्गे आर.ए.के. मार्गाने चार रोडकडे असे जातील व दादर स्थानक पूर्व येथून येणारी वाहने ब्रॉडवे जंक्शन येथून उजवे वळण घेऊन डॉ. बी. ए. मार्गाने भोईवाडा वाहतूक विभाग हद्दीतील कोहिनूर जंक्शन येथून डावे वळण घेऊन मुंबई मराठी ग्रंथ संग्रहालय मार्गाने सरफरे चौक येथून सरळ आर. ए. के. मार्गाने चार रोडकडे असे जातील.