विद्यापीठाचे सर्व कामकाज मराठी भाषेतून चालवावे
विद्यापीठाचे सर्व कामकाज मराठी भाषेतून चालवावे
सिनेट सदस्य डॉ. सखाराम डाखोरे यांची विद्यापीठाकडे मागणी
मुंबई, ता. १८ ः मराठी भाषेला अभिजात दर्जा मिळाल्यानंतर तिचा सन्मान करत तिच्या संवर्धनासाठी मुंबई विद्यापीठाची भूमिका महत्त्वाची ठरणार आहे. राज्याच्या राजधानीतील हे विद्यापीठ राज्याचीच नव्हे तर देशातील विद्यापीठांमध्ये आपली एक वेगळी ओळख ठेवून असल्याने विद्यापीठातील सर्व कामकाज मराठी भाषा धोरणानुसार मराठीतून केले जावे, अशी मागणी मुंबई विद्यापीठाचे सिनेट सदस्य डॉ. सखाराम डाखोरे यांनी विद्यापीठाकडे केली आहे.
मराठी भाषा धोरणानुसार राज्यातील सरकारी कार्यालये, संस्था, वित्तीय संस्था यांच्यासह सर्व प्रकारच्या शैक्षणिक संस्थांचे कामकाजही मराठी भाषेतून होणे आवश्यक आहे. त्यात महाराष्ट्राच्या राजधानीत सर्वात जुने विद्यापीठ असलेल्या मुंबई विद्यापीठाने मराठीच्या सन्मानार्थ आणि तिच्या वारशाचे जतन करत आपल्याकडील सर्व कामकाज मराठीतून सुरू करून त्याचा एक पायंडा निर्माण करावा. यामुळे राज्यातील इतर विद्यापीठांमध्येही त्याप्रमाणे मराठी भाषेचा आदर केला जाईल, सर्व कामकाज मराठीतून होण्याचा मार्ग मोकळा होईल, अशी अपेक्षा. डॉ. डाखोरे यांनी व्यक्त केली आहे.
दरम्यान, त्यांनी विद्यापीठाकडे केलेल्या मागणीत राष्ट्रीय शैक्षणिक धोरणामध्ये अनेक विषयांचा भरणा आहे. त्या विषयांना समजून घेण्याचा प्रयत्न अनेक विद्यार्थी करीत आहेत. यात विद्यापीठातील अनेक शाखा आणि अभ्यासक्रमांच्या विषयांच्या प्रश्नपत्रिका इंग्रजी भाषेत असतात. त्यामुळे अनेक विद्यार्थ्यांना अडचणी येतात. त्यामुळे प्रश्नपत्रिका महाराष्ट्राची राजभाषा असलेल्या मराठी भाषेतही उपलब्ध करून देण्यात याव्यात. त्याचबरोबर मराठी भाषा धोरणानुसार विद्यापीठाचे सर्व कामकाज मराठी भाषेतून चालविले जावे, अशी आपण मागणी केली असल्याचे डॉ. डाखोरे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.