जखमी गोविंदांच्या संख्येत मोठी वाढ

जखमी गोविंदांच्या संख्येत मोठी वाढ
मुंबईत यंदा ३१८ जण जायबंदी

सकाळ वृत्तसेवा
मुंबई, ता. १७ : गोविंदांनी थरावर थर रचत दहीहंडी उत्साहात साजरी केली; मात्र यंदा मोठ्या प्रमाणात त्यांना दुखापत झाली. मागील वर्षाच्या तुलनेत यंदा जखमींच्या संख्येत तब्बल ३० टक्क्यांची वाढ झाली आहे. २०२४ मध्ये २४५ गोविंदा जखमी झाले होते, तर यावर्षी तो आकडा ३१८वर पोहोचला.
शहरात शनिवारी सकाळपासूनच पावसाची रिपरिप सुरू होती, तरीही गोविंदा पथकांचा उत्साह कमी झाला नाही. थरावर थर रचून हंडी फोडताना अनेक ठिकाणी लहानमोठे अपघात घडले. दुपारनंतर जखमींना विविध रुग्णालयांत आणले जाऊ लागले. पालिकेची वैद्यकीय यंत्रणा सज्ज होती आणि तातडीने उपचार देण्यात आले. महापालिकेच्या आकडेवारीनुसार, मध्यरात्रीपर्यंत एकूण ३१८ गोविंदा जखमी झाले. त्यापैकी अनेकांना बाह्यरुग्ण विभागातून उपचारानंतर घरी सोडण्यात आले.
...
गोविंदा माहिती
एकूण जखमी - ३१८
उपचाराधीन - २४
डिस्चार्ज- २९४
...
रुग्णालयाप्रमाणे संख्या
शहरातील विभागातील रुग्णालये
एकूण जखमी - १३५
उपचाराधीन - १६ (एक गंभीर)
डिस्चार्ज - ११९
...
पूर्व विभागातील रुग्णालये
जखमी - ७२
उपचाराधीन - २
डिस्चार्ज - ७०
...
पश्चिम विभागातील रुग्णालये
जखमी- १११
उपचाराधीन - ६ (एक गंभीर)
डिस्चार्ज - १०५