सहपालकमंत्री लोढा, पोलिस आयुक्त देवेन भारती यांची आपत्कालीन कक्षाला भेट

सहपालकमंत्री लोढा, पोलिस आयुक्त देवेन भारती यांची आपत्कालीन कक्षाला भेट
सकाळ वृत्तसेवा
मुंबई, ता. १९ : मुंबईत सुरू असलेल्या सलग मुसळधार पावसामुळे परिस्थितीवर बारकाईने लक्ष ठेवण्यात येत आहे. या पार्श्वभूमीवर सहपालकमंत्री मंगलप्रभात लोढा यांनी पालिकेच्या मुख्यालयातील आपत्कालीन नियंत्रण कक्षाला भेट देऊन अधिकाऱ्यांशी चर्चा केली. शहरातील पूरस्थिती, नाले-नद्या, पाणीउपसा व्यवस्था आणि नागरिकांच्या सुरक्षेच्या उपाययोजना यांचा सविस्तर आढावा त्यांनी घेतला.
महापालिका आयुक्त गगरानी यांनी सांगितले, की मुंबईतील प्रत्येक विभागावर बारकाईने लक्ष ठेवले जात आहे. पूरस्थिती टाळण्यासाठी सर्व यंत्रणा कार्यरत आहेत. नागरिकांनी अफवांवर विश्वास न ठेवता अधिकृत माहितीकडेच लक्ष द्यावे. अत्यावश्यक कारणाशिवाय बाहेर पडू नये, असे आवाहन देवेन भारती यांनी केले.