मॅनहोलवरील सुरक्षा आवरण गायब

मॅनहोलवरील सुरक्षा आवरण गायब
पालिकेची ठेकेदाराला नोटीस
सकाळ वृत्तसेवा
मुंबई, ता. १९ : मुसळधार पावसाने मुंबई बेहाल असताना नागरिकांच्या सुरक्षेशी संबंधित गंभीर निष्काळजीपणा समोर आला आहे. मुसळधार पावसात मॅनहोलवरील आवरण (सुरक्षा ग्रील) गायब असल्याचे धक्कादायक वास्तव समोर आले आहे. याची गंभीर दखल घेत महापालिकेच्या खार (पश्चिम) विभागीय कार्यालयाने ठेकेदार कंपनीला निष्काळजीपणाबाबत नोटीस बजावली आहे.
उच्च न्यायालयाच्या निर्देशानुसार विभागातील सर्व रस्त्यांवरील मलनिस्सारण आणि जलवाहिन्यांच्या मॅनहोलवर लोखंडी आवरण बसवण्यात आले होते. पालिकेने ठेकेदार कंपनीला तातडीने सर्व रस्त्यांवर सुरक्षा आवरण पुन्हा बसवण्याचे आदेश दिले आहेत. तसेच कामकाजाच्या ठिकाणी कोणतीही दुर्घटना घडल्यास ठेकेदारास जबाबदार धरण्यात येईल, असा इशाराही नोटिसीत देण्यात आला आहे. ........