मध्य आणि ट्रान्स  हार्बर मार्गावर रविवारी ब्लॉक

मध्य आणि ट्रान्स  हार्बर मार्गावर रविवारी ब्लॉक  

सकाळ वृत्तसेवा 
मुंबई, ता. २२ : विविध देखभाल दुरुस्तीच्या कामासाठी रेल्वेच्या मध्य आणि हार्बर मार्गावर रविवारी (ता.  २४) रोजी ब्लॉक घेण्यात  येणार आहे. हा ब्लॉक मध्य रेल्वे मार्गावर माटुंगा-मुलुंड अप आणि डाऊन धीम्या मार्गावर, ट्रान्स  हार्बरवर   ठाणे ते वाशी, नेरूळ आणि पश्चिम रेल्वेच्या वसई रोड यार्डमध्ये  मालवाहतूक मार्गिकांवर   घेण्यात येणार आहे.
 
मध्य रेल्वे 
कुठे : माटुंगा-मुलुंड अप आणि डाऊन धीम्या मार्गावर
कधी : ११.०५ वाजल्यापासून १५.५५ वाजेपर्यंत 
परिणाम : सीएसएमटीहून  सकाळी १०.१४ ते दुपारी ३.३२ पर्यंत सुटणाऱ्या डाऊन धीम्या मार्गावरील गाड्या माटुंगा आणि मुलुंड स्थानकांदरम्यान डाऊन जलद मार्गावर वळवल्या जातील. या गाड्या शीव, कुर्ला, घाटकोपर, विक्रोळी, भांडुप आणि मुलुंड स्थानकांवर थांबतील आणि मुलुंड स्थानकावर डाऊन धीम्या मार्गावर पुन्हा वळवल्या जातील. तर ठाण्याहून सकाळी ११.०७ ते ३.५१ वाजेपर्यंत सुटणाऱ्या अप धीम्या मार्गावरील गाड्या मुलुंड येथे अप जलद मार्गावर वळवल्या जातील. या गाड्या मुलुंड ते माटुंगादरम्यान मुलुंड, भांडुप, विक्रोळी, घाटकोपर, कुर्ला आणि शीव स्थानकांवर थांबतील. त्यानंतर माटुंगा येथे पुन्हा अप धीम्या मार्गावर वळवल्या जातील.

ट्रान्स  हार्बर रेल्वे 
कुठे : ठाणे ते वाशी, नेरूळ स्थानकांदरम्यान अप आणि डाऊन मार्गावर
कधी  : सकाळी ११.१० ते दुपारी ४.१० वाजेपर्यंत
परिणाम :  ब्लॉक कालावधीत वाशी, नेरूळ आणि ठाणे स्थानकांदरम्यान अप व डाऊन ट्रान्स हार्बर मार्गावरील सेवा बंद राहतील. ठाण्याहून सकाळी १०.३५ ते दुपारी ४.०७ वाजेपर्यंत सुटणाऱ्या वाशी, पनवेलकडे जाणाऱ्या डाऊन मार्गावरील सेवा तसेच पनवेल, वाशीहून सकाळी १०.२५ ते दुपारी ४.०९ वाजेपर्यंत सुटणाऱ्या ठाण्याकडे जाणाऱ्या अप मार्गावरील गाड्या रद्द राहतील.

पश्चिम रेल्वे
कुठे : वसई रोड यार्डमध्ये  मालवाहतूक मार्गिकांवर  
कधी :  शनिवारी (ता. २३) मध्यरात्रीनंतर  १२.३० ते  रविवारी पहाटे ४. ३०  वाजेपर्यंत
परिणाम  : पश्चिम रेल्वेकडून मध्यरात्री ब्लॉक घेण्यात येणार आल्याने रविवारी दिवसा कोणताही ब्लॉक नसणार आहे, त्यामुळे प्रवाशांना दिलासा मिळणार आहे.