अदाणी इलेक्ट्रिसिटी गणेशोत्सव मंडळांना निवासी दरात तात्पुरती वीजजोडणी देणार

अदाणी इलेक्ट्रिसिटी गणेशोत्सव मंडळांना निवासी दरात तात्पुरती वीजजोडणी देणार
मुंबई, ता. २३ : या गणेशोत्सवात अदाणी इलेक्ट्रिसिटी गणेशोत्सव मंडपामध्ये निवासी दरात तात्पुरत्या वीजजोडण्या देणार आहे. त्यामुळे साऱ्या मुंबईत गणेशोत्सव मंडळांना अखंड व रास्त दरात वीजपुरवठा होईल. यासाठी गणेशोत्सव मंडळांनी अर्ज केल्यानंतर ४८ तासांच्या आत त्यांना तात्पुरती वीजजोडणी मिळेल. यासाठी गणेशोत्सव मंडळांना www.adanielectricity.com या अदाणी इलेक्ट्रिसिटीच्या वेबसाईटवर जाऊन न्यू कनेक्शन विभागात तात्पुरत्या वीजजोडणीसाठी अर्ज करता येईल.
गेल्या वर्षीही अदाणी इलेक्ट्रिसिटीने शहरातील ९८६ गणेशोत्सव मंडपांना अखंड वीजपुरवठा दिला होता. गणेशोत्सव मंडपात भेटी देणाऱ्या ग्राहकांच्या सुरक्षिततेसाठी मंडळांनी वीजजोडणी तसेच वीज सजावट, दिवे इत्यादी कामांसाठी अधिकृत परवानाधारक वीज कंत्राटदारांची सेवा घ्यावी, असे आवाहन अदाणी इलेक्ट्रिसिटीने केले आहे. याबाबत कोणतीही समस्या आल्यास ती सोडवण्यासाठी आमची शीघ्र प्रतिसाद पथके शहरात मोक्याच्या जागी तैनात करण्यात आली आहेत. तसेच गणेश विसर्जनाच्या ८० ठिकाणी आम्ही फ्लड लाईटसह प्रकाशझोतांची व्यवस्था केल्याचेही अदाणी इलेक्ट्रिसिटीच्या प्रवक्त्याने सांगितले.
गणेशोत्सवात अदाणी इलेक्ट्रिसिटीने मंडळांसाठी काही सूचना केल्या आहेत.