अकरा कोटींचा परदेशी गांजा जप्त

११ कोटींचा परदेशी गांजा जप्त
मुंबई, ता. २३ : बँकॉकहून भारतात परतलेल्या दोन प्रवाशांना छत्रपती शिवाजी महाराज आंतरराष्ट्रीय विमानतळावर सीमा शुल्क विभागाच्या अधिकाऱ्यांनी शुक्रवारी (ता. २२) रात्री अमली पदार्थ तस्करीप्रकरणी अटक केली. या दोघांकडून तब्बल ११.७८ किलो परदेशी गांजा (हायड्रोपोनिक वीड) जप्त करण्‍यात आला. या अमली पदार्थाची आंतरराष्ट्रीय बाजारपेठेत ११.७८ कोटी रुपये किंमत असल्याचे सांगण्यात आले.