नेक्स्ट्राने प्रदूषण घटवले

नेक्स्ट्राने प्रदूषण घटवले
मुंबई, ता. २६ : नेक्स्ट्रा बाय एअरटेलने यावर्षीच्या कामकाजात १५ टक्के प्रदूषण कमी केले. डेटा सेंटर मधील निम्मी वीज स्वच्छ स्रोतांमधून मिळवली आणि नेक्स्ट वेव्ह उपक्रमातून महिला कर्मचाऱ्यांची संख्या १३० टक्के वाढवली.
कंपनीच्या यावर्षीच्या सस्टेनेबिलिटी अहवालात ही माहिती आहे. कंपनीने स्मार्ट आणि टिकाऊ अशा डिजिटल पायाभूत सुविधा तयार केल्या आहेत.‌ कंपनीने आर ई १०० जागतिक उपक्रमात सहभागी होऊन १०० टक्के स्वच्छ ऊर्जेचा वापर करण्याची वचनबद्धता दिली आहे. तसेच कंपनीने एआयच्या वापरातून ऊर्जा कार्यक्षमता वाढवली आणि आपले कामकाजही सुधारले आहे.
कंपनीने यावर्षीच्या कामकाजातून पावणेदोन लाख पेक्षाही जास्त टन कार्बन डाय-ऑक्साइड घटवला आहे. त्यांनी पावणे पाच लाख टनांपेक्षाही जास्त ऊर्जा स्वच्छ स्रोतांद्वारे मिळवली. ९९ टक्के पुरवठादार भारतातील ठेवून स्थानिक अर्थव्यवस्था सक्षम केली आणि पुरवठा साखळीही लवचिक केली. नेक्स्ट्राकडे सव्वाशे पेक्षाही जास्त डेटा सेंटर आणि मोठ्या सुविधा आहेत.