वेलिंग्टन हाइट्स रहिवाशांना देवेंद्र फडणवीस यांचा दिलासा

वेलिंग्टन हाइट्स रहिवाशांना देवेंद्र फडणवीस यांचा दिलासा

मुंबई, ता. २८ : ताडदेव येथील वेलिंग्टन हाइट्स इमारतीमधील रहिवाशांना घरे रिकामी करण्याचे आदेश दिल्यानंतर मुख्यमंत्री देवेंद्र फडणवीस यांच्या हस्तक्षेपामुळे रहिवाशांना दिलासा मिळाला. न्यायालयाच्या आदेशामुळे रहिवाशांमध्ये चिंता निर्माण झाली होती; मात्र या प्रकरणात रहिवाशांची काहीही चूक नसून बांधकाम व्यावसायिकाकडून त्यांची फसवणूक झाल्याचे निष्पन्न झाले. अनेक वर्षांपासून इमारतीला भोगवटा प्रमाणपत्र (ओसी) मिळाले नव्हते व त्याच्या फाइलही रखडल्या होत्या. त्यामुळे मंत्री मंगलप्रभात लोढा यांनी ही बाब मुख्यमंत्र्यांच्या निदर्शनास आणली. रहिवाशांवर अन्याय होऊ नये, म्हणून मुख्यमंत्री देवेंद्र फडणवीस यांनी तातडीने कार्यवाही करीत सर्व बाबी तपासून ओसी जारी करण्याचे आदेश संबंधित विभागाला दिले. या निर्णयाबद्दल लोढा यांनी मुख्यमंत्र्यांचे आभार मानले आहेत.