मध्यसह हार्बर मार्गावर रविवारी मेगाब्लॉक

मध्यसह हार्बर मार्गावर रविवारी मेगाब्लॉक

सकाळ वृत्तसेवा
मुंबई, ता. २९ : उपनगरी रेल्वेमार्गाच्या देखभाल-दुरुस्तीकरिता रविवारी (ता. ३१) मध्य रेल्वे आणि हार्बर मार्गावर मेगाब्लॉक घेण्यात येणार आहे. यामुळे गणेशोत्सवानिमित्त घराबाहेर पडणाऱ्या मुंबईकरांना गर्दीचा सामना करावा लागणार आहे.

मध्य रेल्वे
कुठे : मध्य रेल्वे मार्गावर सीएसएमटी ते विद्याविहारदरम्यान अप आणि डाऊन धीम्या मार्गावर
कधी : सकाळी १०.५५ ते दुपारी ३.५५ वाजेपर्यंत
परिणाम : धीम्या मार्गावरील लोकल जलद मार्गावरून चालविण्यात येणार आहेत. परिणामी लोकल गाड्या १० मिनिटे विलंबाने धावतील.

हार्बर रेल्वे
कुठे : हार्बर मार्गावर कुर्ला ते वाशी स्थानकांदरम्यान अप आणि डाऊन दोन्ही मार्गावर
कधी : सकाळी ११.१० ते दुपारी ४.१० वाजेपर्यंत
परिणाम : ब्लॉक कालावधीत कुर्ला ते वाशीदरम्यानची लोकल वाहतूक पूर्णपणे बंद राहणार आहे. प्रवाशांच्या सोयीसाठी सीएसएमटी ते कुर्ला आणि पनवेल ते वाशीदरम्यान विशेष लोकल चालविण्यात येणार आहेत. तसेच हार्बर मार्गावरील प्रवासी सकाळी १० ते संध्याकाळी ६ वाजेपर्यंत ट्रान्स हार्बर मार्गावरील ठाणे ते वाशी-नेरूळदरम्यान प्रवास करू शकतात.