‘सीएसएमटी’वर आंदोलकांची तुडुंब गर्दी

‘सीएसएमटी’वर आंदोलकांची तुडुंब गर्दी
फलटावर आंदोलकांनी मांडले ठाण
सकाळ वृत्तसेवा
मुंबई, ता. २९ : मराठा आरक्षणाच्या मागणीसाठी आंदोलक मुंबईत पोहोचले आहेत. शुक्रवारी दिवसभर आंदोलकांनी सीएसएमटी स्थानकात ठिय्या मांडला. तसेच स्थानक परिसरात आंदोलकांनी हलगीवर ठेका धरला.
सीएसएमटी स्थानकावरील आंदोलकांनी शांतता बाळगावी, रस्त्यावरील गाड्या बाजूला करून वाहतूक सुरळीत होण्यास मदत करण्याचे आवाहन जरांगेंनी केले; परंतु गदारोळ काही आटोक्यात आला नाही. सायंकाळीही आंदोलकांचा गोंधळ सुरूच होता. आंदोलक सीएसएमटी स्थानकात झोपल्याचे चित्र होते. रेल्वेस्थानक परिसरात या आंदोलकांनी घोषणाबाजी केली. त्यामुळे स्थानकात येणाऱ्या प्रवाशांची काही प्रमाणात गैरसोय झाली. स्वच्छतागृहाबाहेरदेखील आंदोलकांच्या रांगा लागल्या होत्या.
==