गांजा तस्कराची २.३६ कोटींची संपत्ती जप्त

गांजा तस्कराची २.३६ कोटींची संपत्ती जप्त

मुंबई : अमली पदार्थ तस्करी, विक्रीसाठी संघटित टोळी तयार करणाऱ्या विक्रम के. या आरोपीची सुमारे २.३६ कोटी रुपयांची मालमत्ता केंद्रीय अमली पदार्थ विरोधी पथकाने (एनसीबी) सोमवारी (ता.१) जप्त केली. यामध्ये तीन बँक खाती, एक कार आणि पुण्यातील उरुळी कांचन येथील जमिनीचा समावेश आहे. एनसीबीने काही महिन्यांपूर्वी अहिल्यानगर येथे कारवाई करीत १११ किलो गांजा हस्तगत केला होता. आंध्र प्रदेश आणि ओरिसा राज्यांच्या सीमावर्ती भागातून ही खेप पुण्याकरिता पाठविण्यात आली होती. याप्रकरणी एनसीबीने पाच आरोपींना अटक केली. त्यांच्या चौकशीतून विक्रम याचे नाव पुढे आले. पुण्यातून तोही आंतरराज्य टोळी चालवीत होता, असे स्पष्ट झाले होते.