मुंबईतील रस्ते वाहतूक पूर्वपदावर

मुंबईतील रस्ते
वाहतूक पूर्वपदावर
मुंबई : मराठा आरक्षणाच्या मागणीसाठी मनोज जरंगे पाटील यांच्या आमरण उपोषणासाठी मोठ्या संख्येने मराठा समाजाचे कार्यकर्ते दक्षिण मुंबईत दाखल झाले होते. आंदोलनामुळे शहरातील वाहतूक विस्कळित झाली होती. चाकरमान्यांना हाल सोसावे लागले होते; मात्र मंगळवारी आंदोलकांच्या मागण्या मान्य झाल्यानंतर आंदोलक गावाकडे रवाना झाले. त्यानंतर मुंबईतील रस्ते वाहतूक पूर्व पदावर आली. दक्षिण मुंबईत मोठ्या प्रमाणात वाहने उभी असल्यामुळे वाहतुकीला अडथळा निर्माण न्यायालयाच्या आदेशाचे पालन करण्यासाठी पोलिसांनी आंदोलकांच्या पार्किंगमध्ये उभ्या केलेल्या गाड्या हटवण्यास सुरुवात केली. आंदोलकांना सीएसएमटी स्थानकातून बाहेर काढण्यात आले आणि गाड्या हळूहळू मुंबईच्या बाहेर हलवण्यात आल्या होत्या. महापालिका मार्ग आणि काही मार्ग वगळता रस्त्यावरील वाहने कमी झाली होती. रात्री उशिरा रस्ते रिकामे झाल्याने रस्ते वाहतूक पूर्ववत झाली.