आमच्या मागण्या मान्य करा

आमच्या मागण्या मान्य करा
‘आझाद मैदानचा राजा’ला उपोषणकर्त्यांचे साकडे
कुलाबा, ता. ४ ( बातमीदार) ः मनोज जरांगे पाटील यांच्या मागण्यांप्रमाणे आमच्या मागण्यादेखील मान्य कराव्या, यासाठी आझाद मैदानातील उपोषणकर्त्यांनी आझाद मैदान येथील राजाला साकडे घातले आहे. आझाद मैदानाजवळ श्री साईकृपा सार्वजनिक गणेशोत्सव मित्र मंडळाचा ‘आझाद मैदानचा राजा’ विराजमान आहे.
यंदा मोरावर विराजमान सहा फुटांची गणेशमूर्ती बसवण्यात आली आहे. या मंडळाचे यंदाचे गणेशोत्‍सवाचे ३७ वे वर्ष आहे. मंडळाने निसर्गरम्य जंगलाचा देखावा साकारला आहे. मंडपात प्रवेश केल्यावर वातावरण हिरवेगार वाटते.

आझाद मैदानावर आंदोलन, उपोषणे, धरणे आंदोलन करण्यासाठी येणारे नागरिक आवर्जून भेट देतात व आपली मनोकामना पूर्ण करतात.
प्रकाश कोळी, गणेशभक्त