अभिनेत्रीविरोधात गुन्हा नोंद

अभिनेत्रीविरोधात गुन्हा नोंद

मुंबई, ता. ५ : चित्रपट निर्मात्याला धमकावून, मारहाण करून १० ते १२ लाख रुपये उकळल्याच्या आरोपात अभिनेत्री निकिता घाग आणि अन्य आरोपींविरोधात आंबोली पोलिसांनी शुक्रवारी गुन्हा नोंदवला. कृष्णकुमार मीना असे तक्रारदार निर्मात्याचे नाव असून, त्याच्या तक्रारीच्या आधारे ही कारवाई केल्याचे पोलिसांनी सांगितले. सुरुवातीला काम मागणाऱ्या निकिताने ओळखीच्या गुंतवणूकदारांकडून गुंतवणूक घेण्याबाबत तगादा लावला होता; मात्र तिचा प्रस्ताव टाळला. तेव्हा १४ ऑगस्टला सुमारे १५ अनोळखी व्यक्तींसोबत अंधेरी येथील कार्यालयात घडलेल्या वादामुळे निकिताने खोटा आळ घेऊन गोवण्याची धमकी दिली. तिच्यासोबत आलेल्या व्‍यक्तींनी बेदम मारहाण केली. तसेच मोबाईल हिसकावून त्याद्वारे परस्पर १२ लाख रुपयांची रक्कम स्वतःच्या खात्यावर वळती करून घेतल्याचा दावा मीना यांनी तक्रारीत केल्याचे पोलिसांनी सांगितले.