दृष्टिहीनांसाठी आधारिका फाउंडेशनचा आनंदमयी गरबा उत्सव

दृष्टिहीनांसाठी आधारिका फाउंडेशनचा आनंदमयी गरबा उत्सव
सकाळ वृत्तसेवा
मुंबई, ता. १ ः अंध व्यक्तींसाठी गरबा हा केवळ नृत्याचा उत्सव नसून आनंद, आत्मविश्वास आणि सामूहिक एकतेचा पर्व ठरतोय. आधारिका फाउंडेशनने या सामाजिक भावनेला आकार देत यंदा विशेष ‘दृष्टिहीन गरबा संध्या’चे नुकतेच आयोजन केले होते. दांडियाच्या तालावर केवळ स्वरांचा आधार घेत दृष्टिहीन व्यक्तींनी मनसोक्त ठेका धरला.
रंगीबेरंगी वेशभूषा, ऊर्जा आणि उत्साहाने सजलेले वातावरण यामुळे हा कार्यक्रम अविस्मरणीय ठरला. या उपक्रमाचा उद्देश दृष्टिहीन बांधवांना समाजातील मुख्य प्रवाहाशी जोडणे आणि त्यांच्या कलागुणांना वाव देणे हा होता. कार्यक्रमात सहभागी विजेत्यांना आकर्षक पारितोषिके देण्यात आली.