तेजस ठाकरे यांची डॉ. जेन गुडाल यांना आदरांजली
सकाळ वृत्तसेवा
मुंबई, ता. ४ : ‘गेल्या वर्षी मुंबईतील भेटीदरम्यान मला डॉ. जेन गुडाल यांना प्रत्यक्ष भेटण्याची संधी मिळाली. त्यांच्यातील साधेपणा, नम्रता आणि आपुलकी पाहून मी भारावून गेलो. त्यांचे जाणे ही केवळ विज्ञानविश्वाची नव्हे, तर संपूर्ण मानवजातीची अपरिमेय हानी आहे. डॉ. जेन गुडाल यांचे अद्वितीय कार्य आणि निसर्गावरील त्यांचे निःस्वार्थ प्रेम पुढील अनेक पिढ्यांना वन्यजीव आणि पर्यावरण रक्षणासाठी प्रेरणा देत राहील,’ अशा शब्दांत तेजस उद्धव ठाकरे यांनी डॉ. जेन गुडाल यांना आदरांजली वाहिली. ‘पूर्णवेळ पर्यावरण रक्षणासाठी झोकून देणाऱ्या ज्येष्ठ प्राइमेटोलॉजिस्ट, निसर्ग, पर्यावरण व प्राणी अभ्यासक डॉ. जेन गुडाल यांच्यासोबत झालेल्या संवादात त्यांनी संशोधन, वन्यजीव संवर्धन आणि भविष्यातील पिढ्यांसाठी जंगल व पर्यावरण जपण्याचे महत्त्व याबाबत सखोल विचार मांडले. मी त्यांना ठाकरे वाइल्डलाइफ फाउंडेशनतर्फे सह्याद्रीच्या समृद्ध जैवविविधतेचे व जंगलांचे रक्षण करण्यासाठी सुरू असलेल्या प्रयत्नांची माहिती दिली,’ असेही तेजस ठाकरे म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.