न्हावाशेवा बंदरातून २३ कोटींचा ई कचरा जप्त

न्हावा-शेवा बंदरातून २३ कोटींचा ई-कचरा जप्त
मुंबई, ता. ४ : महसूल गुप्तचर संचालनालयाने (डीआरआय) ऑपरेशन डिगीस्क्रॅप अंतर्गत न्हावा-शेवा बंदरावर अवैधरीत्या आयात करण्यात आलेला तब्बल २३ कोटींचा ई-कचरा जप्त केला. ॲल्युमिनियम भंगाराआड ही तस्करी करणाऱ्या दोन व्यक्तींना अटक करण्यात आली. त्यातील एक गुजरातचा व्यापारी असल्याचे सांगण्यात आले. या भंगारात १७,७६० वापरलेले लॅपटॉप, ११,३४० सीपीयू, ७,१४० प्रोसेसर, चिप्स आणि इतर इलेक्ट्रॉनिक साहित्याचा समावेश होता. परकीय व्यापार धोरण, ई-कचरा (व्यवस्थापन) नियमांनुसार ई -कचऱ्याची आयात प्रतिबंधित आहे, असे डीआरआय प्रवक्त्याने सांगितले.