सरन्यायाधीशांवरील हल्ला निंदनीय : रामदास आठवले
सरन्यायाधीशांवरील हल्ला निंदनीय : रामदास आठवले
मुंबई, ता. ७ : सरन्यायाधीश भूषण गवई यांच्यावर झालेल्या हल्ल्याचा प्रयत्न निंदनीय आहे, असे केंद्रीय सामाजिक न्याय राज्यमंत्री आणि रिपब्लिकन पक्षाचे राष्ट्रीय अध्यक्ष रामदास आठवले यांनी म्हटले. आठवले यांनी हा प्रकार राष्ट्रद्रोह ठरवून गुन्हेगारांवर कठोर कारवाई करण्याची मागणी केली आहे. आठवले म्हणाले, की सरन्यायाधीशांवरील हल्ला म्हणजे संविधानावरील आणि लोकशाहीवरील हल्ला आहे. न्यायपालिका ही लोकशाहीची प्राणसत्व आहे. त्यामुळे या प्रकाराला गंभीरतेने पाहिले पाहिजे. चतुर्वर्ण आणि जातीभेद या भेदभावाची मुळे जरी संविधानाने संपवली असली तरी ती काही लोकांमध्ये अजूनही शिल्लक आहेत. या भावना सरन्यायाधीशांवर हल्ला करण्याच्या प्रयत्नामध्ये दिसून येतात. सरन्यायाधीशांवरील हल्ला केवळ व्यक्तीवर नाही, तर संविधान, लोकशाही, समता आणि न्यायव्यवस्थेवर केलेला हल्ला आहे. हा प्रकार राष्ट्रद्रोह ठरवून गुन्हेगारांवर कठोर कारवाई करावी.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.