मालवणी ठाण्यातील चार पोलिस निलंबित

मालवणी ठाण्यातील चार पोलिस निलंबित

मुंबई, ता. ९ ः कर्तव्यावर असताना फेरीवाल्यांकडून पैसे घेणाऱ्या मालवणी पोलिस ठाण्यातील उपनिरीक्षक आणि तीन अंमलदारांवर निलंबनाची कारवाई करण्यात आली. या चौघांवर कर्तव्यकसुरी आणि पोलिस दलाची प्रतिमा मलिन केल्याचा ठपका ठेवण्यात आला. १६ आणि १८ सप्टेंबरला व्हिडिओ व्हायरल झाल्यावर ही कारवाई करण्यात आली. पहिल्या व्हिडिओत उपनिरीक्षक प्रदीप कदम पैसे घेताना आढळले. दुसऱ्या व्हिडिओत मोबाईल व्हॅनवर कर्तव्य बजावणारे पोलिस अंमलदार संजय रासकर, विकास माळी आणि महेंद्रकुमार मराळ हे तिघे पैसे घेताना दिसले. या दोन्ही व्हिडिओंची गंभीर दखल घेत आयुक्तालयाने चौघांचे निलंबन केले.