सोने तस्करांची टोळी उद्ध्वस्त

सोने तस्करांची टोळी उद्ध्वस्त
१२.५८ कोटींचे सोने जप्त, १३ जणांना अटक
मुंबई, ता. १२ ः महसूल गुप्तचर संचालनालयाने (डीआरआय) सोन्याची तस्करी करणारी आंतरराष्ट्रीय टोळी उद्ध्वस्त केली. या कारवाईत १३ जणांना अटक करण्यात आली. त्यांच्याकडून १०.४८ किलो सोने जप्त केले असून, जप्त सोन्याची किंमत १२.५८ कोटी इतकी आहे. अटक केलेल्या आरोपींमध्ये दोन बांगलादेशी, सहा श्रीलंकेचे नागरिक, दोन विमानतळ कर्मचाऱ्यांसह दोन म्होरक्यांचा समावेश आहे. अटक करण्यात आलेले परदेशी नागरिक वाहक (कॅरिअर) आहेत. हे आरोपी दडवून आणलेले सोने ट्रान्झिट काळात विमानतळ कर्मचाऱ्यांकडे देत असते. कर्मचाऱ्यांमार्फत हे सोने विमानतळाबाहेर काढून म्होरक्यांकडे देत असल्याचे सांगण्यात आले.