विमानतळावर महिलेची चिमुकल्यासह पायपीट

विमानतळावर महिलेची चिमुकल्यासह पायपीट

सकाळ वृत्तसेवा
मुंबई, ता. १२ : एक महिला मुंबई आंतरराष्ट्रीय विमानतळावर आपल्या बाळासह उतरली. त्यानंतर त्या महिलेला ‘स्ट्रॉलर’ची शोधाशोध करण्यासाठी आपल्या चिमुकल्याला घेऊन पायपीट करावी लागली. त्यामुळे त्या महिलेने एक्सवर पोस्ट करीत संताप व्यक्त केला.
याबाबत शेफाली सक्सेना यांनी सांगितले, की मी माझ्या बाळासोबत प्रवास करीत होते. विमान कंपनीने माझ्या स्ट्रॉलरची तपासणी केली. मुंबई आंतरराष्ट्रीय विमानतळावर उतरल्यानंतर मला माझे केबिन सामान आणि बाळ हातात घेऊन चालावे लागले. इमिग्रेशन पूर्ण झाले आणि नंतर मला वस्तू ठेवलेल्या ठिकाणी जाऊन माझे स्ट्रॉलर शोधण्यास सांगण्यात आले. दरम्यान, मुंबई विमानतळ प्रशासनाने तुमची तक्रार संबंधित विभागाकडे त्वरित लक्ष देण्यासाठी पाठवण्यात आली आहे. आम्ही विनंती करतो, की तुम्ही तुमचे संपर्क तपशील आमच्याशी डीएमद्वारे शेअर करा, जेणेकरून आमची टीम त्यावर लक्ष ठेवू शकेल, असे आवाहन केले.