धनत्रयाेदशीला ५० टन साेने खरेदी

धनत्रयाेदशीला ५० टन साेने खरेदी

विक्रीत ३० टक्के वाढ; चांदीही चमकली

सकाळ वृत्तसेवा
मुंबई, ता. १८ ः सराफा बाजारात सोन्याचे भाव सर्वसामान्यांच्या आवाक्याबाहेर गेले असले तरी शनिवारी (ता. १८) धनत्रयोदशीला सोने-चांदीच्या खरेदीसाठी उत्साह दिसून आला. साेने-चांदीचे भाव कमी झाल्यामुळे ग्राहकांमध्ये चैतन्य हाेते. दिवसभरात ५० टन साेने, तर ३० टन चांदीची खरेदी झाली आहे. गेल्या वर्षीच्या तुलनेत २० ते ३० टक्के वाढ झाल्याचा अंदाज इंडिया बुलियन अँड ज्वेलर्स असोसिएशनने व्‍यक्त केला.

साेने १,३५,००० रुपये प्रति ताेळा, तर चांदी प्रतिकिलाे दाेन लाखांवर गेली हाेती. धनत्रयाेदशीला सोने पाच हजार रुपयांनी, तर चांदी २० हजार रुपयांनी स्वस्त झाले. त्यामुळे ग्राहकांना दिलासा दिला. या दिवशी विवाह आणि अन्य शुभकार्यानिमित्ताने माेठी खरेदी केली. गेल्या वर्षीच्या तुलनेत विक्रीत २० ते ३० टक्के वाढ झाली असून चांदीच्या नाण्यांची विक्री गेल्या वर्षीच्या तुलनेत ३५-४० टक्क्यांनी वाढली आहे, असे बाजारतज्ज्ञांनी सांगितले.
===
उलाढालीत २०-३० टक्के वाढ
धनत्रयोदशीला सोने, चांदी खरेदीकडे ग्राहकांचा कल असतो; मात्र यंदा सोने-चांदीचे दर कमी झाल्याने ग्राहकांनी सोने-चांदी खरेदी करण्यास पसंती दिली. गेल्यावर्षीच्या तुलनेत यंदा वीस ते तीस टक्के खरेदी वाढल्याचे इंडिया बुलियन अँड ज्वेलर्स असोसिएशनकडून सांगण्यात आले.
==
धनत्रयोदशीचे भाव
सोने (प्रति तोळा) : एक लाख ३० हजार रुपये
चांदी (प्रतिकिलो) : एक लाख ८० हजार रुपये
===
सोने पाच हजार रुपयांनी, तर चांदी २० हजार रुपयांनी स्वस्त झाली आहे. त्यामुळे बाजारात शुभ मुहूर्तावर सोने-चांदी खरेदीचा उत्साह दिसून आला.
- कुमार जैन, प्रवक्ते, इंडिया बुलियन अँड ज्वेलर्स असोसिएशन
==