दिघी बंदरामध्ये होणार फार्मा पार्क

अलिबाग : रायगड जिल्ह्यातील फार्मा पार्क विकसित करण्यासाठी खासगी विकसकाची महाराष्ट्र राज्य औद्योगिक विकास महामंडळाने नेमणूक केली आहे. त्यामुळे दिघी बंदराच्या विकासाला चालना मिळाली असून, औषध उद्योगाला चालना मिळाली आहे.

महाविकास आघाडी सरकारच्या काळात रोहा आणि मुरूड परिसरात बल्क ड्रग पार्क व्हावे, यासाठी प्रयत्न करण्यात आले होते, मात्र केंद्र सरकारकडून प्रकल्पाला मंजुरी मिळाली नाही. त्यामुळे राज्य सरकारच्या माध्यमातून प्रकल्प उभारण्यासाठी प्रयत्न सुरू आहेत. दिघी बंदर औद्योगिक क्षेत्रासाठी रोहा, माणगाव तालुक्यातील ६४६२.१२ हेक्टर जमीन संपादित केली आहे. यापैकी ३९२२.७७ हेक्टर क्षेत्र एमआयडीसीमार्फत विकसित करण्यात येत आहे. दिघी बंदर औद्योगिक विकास क्षेत्रात बल्क ड्रग पार्क उभारण्याचा निर्णय मार्च २०२३ मध्ये राज्य सरकारने घेतला.