बेस्टच्या धडकेत वयोवृद्धाचा मृत्यू

बेस्टच्या धडकेत
वयोवृद्धाचा मृत्यू
मुंबई, ता. २९ ः मुलुंड येथे भरधाव बेस्टच्या धडकेत उषा जमनादास खेराणी (वय ८१) या वृद्धेचा मृत्यू झाला. हा अपघात मंगळवारी सकाळी साडेदहाच्या सुमारास मुलुंड पश्चिमेकडील पी. के. मार्गावर घडला. याप्रकरणी बेस्ट बसचालक अनिकेत आंब्रेविरोधात गुन्हा नोंदवल्याचे मुलुंड पोलिसांनी सांगितले.
नित्यनियमाप्रमाणे खेराणी या महादेव मंदिरात दर्शनासाठी आल्या होत्या. दरम्यान, भरधाव बेस्टने त्यांना धडक दिली. अपघातात त्या गंभीर जखमी झाल्या. त्यांना पालिकेच्या अग्रवाल रुग्णालयात दाखल करण्यात आले; मात्र तत्पूर्वीच त्यांचा मृत्यू झाला.