ड्रग तस्कर दानिश मर्चंटला अटक

ड्रग तस्कर दानिश मर्चंटला अटक
मुंबई, ता. २९ ः अमली पदार्थ उत्पादक तथा तस्कर दानिश मर्चंट व त्याची पत्नी हेन्ना शाह यांना केंद्रीय अमली पदार्थविरोधी पथकाने (एनसीबी) मंगळवारी रात्री गोव्यातून अटक केली. पुणे, मुंबईतील कारवायांनंतर हे दाम्पत्य फरार झाले होते. अनेक राज्यांतून लपत छपत ते गोव्यातील एका रिसोर्टवर दडल्याची नेमकी माहिती एनसीबी पथकाला प्राप्त झाली होती. या कारवाईने अंमली पदार्थांच्या उत्पादनापासून किरकोळ विक्रीपर्यंत गुन्हेगारी करणारी संघटित टोळी उध्वस्त झाल्याचा दावा एनसीबीने केला. पुण्यातील धरपकडीपासून सुरू झालेल्या या कारवाईत मर्चंट दाम्पत्यासह चौघांना अटक केली. त्यांच्याकडून सुमारे १.३०० किलो एमडी जप्त करण्यात आले.