मुंबईत पुढील दोन दिवस हलक्या सरींची शक्यता; आठवड्याच्या शेवटी कोरडे वातावरण

दोन दिवस हलक्या सरींची शक्यता

सकाळ वृत्तसेवा
मुंबई, ता. ४ : मुंबईकरांना बुधवार आणि गुरुवारी हलक्या पावसाच्या सरींचा अनुभव येऊ शकतो, असा अंदाज हवामान खात्याने वर्तविला आहे. त्यानंतर शुक्रवार आणि शनिवारी मात्र शहरात कोरडे आणि उबदार वातावरण राहील, असेही हवामान विभागाने स्पष्ट केले आहे.
कुलाबा येथे कमाल तापमान ३१.७ अंश सेल्सिअस, आर्द्रता ९० टक्के, तर पावसाची नोंद ४.४ मिमी इतकी झाली आहे. तर सांताक्रूझ येथे कमाल तापमान ३१.१ अंश, किमान तापमान २४.६ अंश आणि आर्द्रता ७२ टक्के इतकी नोंदली गेली. पावसाची नोंद येथे ०.० मिमी अशी आहे.
हवामान खात्याने दिलेल्या माहितीनुसार, शहरात ढगाळ वातावरण राहण्याची शक्यता असून, काही भागांत हलक्या सरी येऊ शकतात. मात्र आठवड्याच्या शेवटी हवामान कोरडे होईल आणि तापमानात किंचित वाढ होण्याचा अंदाज आहे.
.....