मुंबईतील तापमानात घट

मुंबईतील तापमानात घट
मुंबई, ता. १० : मुंबईत सोमवारी हवामान कोरडे राहिले असून, तापमानात किंचित घट नोंदविण्यात आली. सांताक्रूझ वेधशाळेने नोंदवलेल्या आकडेवारीनुसार, किमान तापमान १९ अंश सेल्सिअस, आर्द्रता ७७ टक्के, तर कुठेही पावसाची नोंद झाली नाही. या हंगामातील एकूण पावसाचे प्रमाण १०६.६ मि.मी. इतके राहिल्याची माहितीही या वेळी देण्यात आली. दरम्यान, कुलाबा वेधशाळेतही हवामान कोरडेच राहिले. तेथे किमान तापमान २२ अंश सेल्सिअस, आर्द्रता ७८ टक्के नोंदवली गेली. या ठिकाणीही पावसाची नोंद झाली नाही, तर हंगामी पावसाची नोंद २१६.३ मि.मी. इतकी झाली. हवामान खात्याच्या माहितीनुसार, पुढील २४ तासांत शहर आणि उपनगरांत आकाश मुख्यतः निरभ्र राहण्याचा अंदाज वर्तविण्यात आला आहे. तसेच थंडीचा कडाका हळूहळू वाढण्याची शक्यता आहे.