ज्येष्‍ठ अभिनेते प्रेम चोप्रा रुग्णालयात दाखल

ज्येष्‍ठ अभिनेते प्रेम चोप्रा रुग्णालयात दाखल
मुंबई, ता.१० : ज्येष्‍ठ अभिनेते प्रेम चोप्रा यांना काही दिवसांपूर्वी लीलावती रुग्णालयात दाखल करण्यात आले आहे. ज्येष्ठ हृदयरोग तज्ज्ञ डॉ. नितीन गोखले यांच्या देखरेखीखाली त्यांच्यावर उपचार सुरू आहेत. उपचार पथकातील वरिष्ठ डॉ. जलील पारकर यांनी सांगितले की, ‘चोप्रा यांना फुप्फुसांमध्ये व्हायरल इन्फेक्शन झाल्याने त्यांना रुग्णालयात दाखल करण्यात आले आहे.’ ते ९२ वर्षांचे असून वयामुळे काही आरोग्यविषयक समस्या आहेत, त्यामुळे बरे होण्यासाठी थोडा वेळ लागू शकतो, मात्र चिंतेचे काही कारण नाही, असेही डॉक्टरांनी स्पष्ट केले. दरम्यान ते पुढील दोन ते तीन दिवसांत पूर्णपणे बरे होऊन घरी परततील, अशी अपेक्षा व्यक्त करण्यात आली आहे. प्रेम चोप्रा हे हिंदी चित्रपटसृष्टीतील सर्वात प्रसिद्ध खलनायकांपैकी एक असून त्यांनी आपल्या दीर्घ कारकिर्दीत २५० हून अधिक चित्रपटांमध्ये अभिनय केला आहे.