डंपरच्या धडकेत वृद्धाचा मृत्यू

डम्परच्या धडकेत वृद्धाचा मृत्यू
मुंबई : सांताक्रूझ-चेंबूर जोड रस्त्यावर भरधाव डम्परने दुचाकीस्वारास उडवले. रविवारी कुर्ल्याच्या हलव पूल परिसरात घडलेल्या अपघातात दुचाकी चालवणाऱ्या ६२ वर्षीय वृद्धाचा जागीच मृत्यू झाला. याप्रकरणी कुर्ला पोलिसांनी डम्परचालकाविरोधात गुन्हा नोंदवला. मृत वृद्धाचे नाव जी. फर्नांडिस असे असून डम्परच्या धडकेमुळे ते उजव्या बाजूस पडले आणि डम्परच्या मागील चाकाखाली चिरडले गेले. त्यांना तातडीने भाभा रुग्णालयात नेण्यात आले; मात्र उपचार मिळण्यापूर्वीच त्यांचा मृत्यू झाला होता.