मुंबईत साेमवारपासून ३० तास पाणीबाणी

मुंबईत साेमवारपासून ३० तास पाणीबाणी
सकाळ वृत्तसेवा
मुंबई, ता. २७ : घाटकोपर येथील तीन हजार मिमीच्या मुख्य जलवाहिनीवर अडीच हजार मिमी जलवाहिनीची जोडणी करण्याचे महत्त्वाचे काम पालिकेने हाती घेतली आहे. अमर महल बोगदा शाफ्टला जोडण्यासाठी हे काम आवश्यक असून, या कामामुळे १ डिसेंबरला सकाळी १० ते २ डिसेंबर दुपारी ४ वाजेपर्यंत ३० तास पाणीपुरवठ्यावर परिणाम होणार आहे.
शहरातील अनेक विभागांत या कालावधीत कमी दाबाने पाणी येणार असून, काही ठिकाणी पूर्णपणे पाणीपुरवठा बंद राहणार आहे. ए विभाग, बी विभाग, सी विभाग, ई विभाग, एफ दक्षिण, एफ-उत्तर, एम पूर्व, एम पश्चिम, एल विभाग, एस विभाग आणि एन विभाग (पूर्व उपनगर) या विभागांना प्रामुख्याने फटका बसणार आहे. हे काम पूर्ण झाल्यानंतर टप्प्याटप्प्याने पाणीपुरवठा पूर्ववत केला जाणार आहे.