कॅनेडियन बोगदा तंत्रज्ञान शिष्टमंडळाची मुंबईतील प्रमुख प्रकल्पांना भेट

कॅनेडियन बोगदा तंत्रज्ञान शिष्टमंडळाची मुंबईतील प्रमुख प्रकल्पांना भेट
सकाळ वृत्तसेवा
मुंबई, ता. २ : कॅनडातील बोगदा तंत्रज्ञान शिष्टमंडळाने मुंबईतील तीन महत्त्वाचा प्रकल्पांची, मुंबई किनारी रस्ता (दक्षिण), मुंबई किनारी रस्ता (उत्तर) आणि गोरेगाव– मुलुंड जोड मार्ग (जीएमएलआर) माहिती घेतली. महानगरपालिका मुख्यालयात सादरीकरणाद्वारे या प्रकल्पांमधील तांत्रिक बाबींचा आढावा देण्यात आला.

किनारी रस्ता (दक्षिण) प्रकल्पात वापरण्यात आलेली ‘सकॉर्डो’ वायुवीजन प्रणाली भारतात प्रथमच वापरली जात आहे. दोन भूमिगत बोगद्यांच्या बांधकामातील आव्हाने, भविष्यात सेन्सर्स बसवण्याच्या शक्यता अशा मुद्द्यांवर शिष्टमंडळाने चर्चा केली. शिष्टमंडळाने जीएमएलआर आणि किनारी रस्ता (उत्तर) प्रकल्पांसंबंधी पर्यावरणीय परवानग्या व तांत्रिक प्रक्रिया जाणून घेतल्या. त्यानंतर त्यांनी किनारी रस्ता (दक्षिण) प्रकल्पाला भेट देऊन बोगदे, आंतरमार्गिका आणि वॉकवेची पाहणी करत प्रकल्पाचे कौतुक केले.