१९ आरएमसी प्लांट्सवर बंदी

१९ आरएमसी
प्लांट्सवर बंदी
मुंबई, ता. ३ : मुंबई महानगर प्रदेश (एमएमआर) क्षेत्रातील वाढत्या वायुप्रदूषणावर नियंत्रण आणण्यासाठी महाराष्ट्र प्रदूषण नियंत्रण मंडळाने कारवाई करत एकूण १९ आरएमसी प्लांट्स बंद करण्याचे आदेश दिले. वायु प्रदूषण नियंत्रण नियमांचे उल्लंघन करणाऱ्या कोणत्याही उद्योगावर कठोर कारवाई करण्यात येणार असल्याची माहिती एमपीसीबीचे अध्यक्ष सिद्धेश कदम यांनी दिली.
एमएमआरमध्ये एमपीसीबीची ३२ वातानुकुलीत हवा गुणवत्ता निरीक्षण केंद्रे कार्यरत असून त्यापैकी १४ केंद्रे मुंबईत आहेत. या केंद्रांमधील वास्तविक वेळेतील एक्यूआय माहिती केंद्रीय प्रदूषण नियंत्रण मंडळाच्या पोर्टल आणि समीर ॲपवर प्रसारित केली जाते. तसेच मंडळाकडे राज्यभर हवा तपासणीसाठी २२ मोबाईल मॉनिटरिंग व्हॅन कार्यरत आहेत.