बोरीवलीत धर्मांतराचा प्रयत्न

बोरीवलीत
धर्मांतराचा प्रयत्न
मुंबई ः बोरिवलीच्या राजेंद्र नगर परिसरात रहिवाशांवर धर्मांतरासाठी दबाव आणणाऱ्या आणि धमकावणाऱ्या एका महिलेसह तिघांवर कस्तुरबा मार्ग पोलिसांनी गुन्हा नोंदवला. सोमवारी संध्याकाळी १८ वर्षीय तरुणाने केलेल्या तक्रारीमुळे हा प्रकार उघड झाला. हा विद्यार्थी कराटे क्लासासाठी राजेंद्र नगर येथून पायी जात असताना आरोपींनी त्याला अडवले. धर्म विचारून धर्मांतर करण्यासाठी दबाव आणला. तरुणाने पोलिसांना दिलेल्या माहितीनुसार आरोपींनी अन्य धर्माला आणि धर्मगुरूंना शिव्या दिल्या. पोलिस या अनोळखी आरोपींचा शोध घेत आहे.