ठग वैभव ठाकर विरोधात संघटित गुन्हेगारीचे कलम

ठग वैभव ठाकरविरोधात संघटित गुन्हेगारीचे कलम
सकाळ फॉलोअप
मुंबई, ता. २९ : मुख्यमंत्री कार्यालयातील वरिष्ठ अधिकारी, मुख्यमंत्र्यांचा स्वीय सहाय्यक असल्याचे भासवून शहरातील सराफा व्यावसायिकासह इतरांना फसवणाऱ्या ठग वैभव ठाकरविरोधात नोंद गुन्ह्यात पोलिसांनी संघटित गुन्हेगारी, संघटितरीत्या आर्थिक फसवणुकीचे कठोर कलम जोडले. एल. टी. मार्ग पोलिसांनी सोमवारी (ता. २९) या घडामोडीबाबत न्यायालयाला माहिती दिली. पोलिस ठाण्याचे वरिष्ठ निरीक्षक नितीन तडाखे यांनी दिलेल्या माहितीनुसार, आरोपी वैभवविरोधात गेल्या १० वर्षांत सामूहिकरीत्या आर्थिक फसवणुकीच्या दोन प्रकरणांमध्ये आरोपपत्र दाखल आहे. त्याआधारे त्याच्याविरोधात नोंद गुन्ह्यात भारतीय न्यायसंहितेतील १११ कलम जोडण्यात आले. हे कलम मकोका कायद्याप्रमाणे कठोर आहे. ठाकरविरोधात एल. टी. मार्ग पोलिस ठाण्यात सराफा व्यावसायिक शैलेश जैन यांना २.८० लाख रुपयांना फसवल्याबद्दल गुन्हा नोंद आहे. अन्य व्यावसायिकाला ६० लाखांना फसविल्याप्रकरणी सांताक्रूझ पोलिसांनीही वैभवविरोधात गुन्हा नोंदवला आहे. याशिवाय विधिमंडळ अधिवेशनाचा बनावट पास तयार केल्याचा आरोपही वैभवविरोधात आहे.