डावललेला उमेदवार शुभेच्छांमुळे कष्टी

डावललेला उमेदवार शुभेच्छांमुळे कष्टी

मुंबई, ता. ३१ ः भाजपने उमेदवारी डावलली तरी मुलुंडमधील कार्यकर्त्या हेतल जोबनपुत्रा यांच्यावर शुभेच्छांचा वर्षाव झाला. प्रत्यक्षात पक्षाने हेतल गाला यांना उमेदवारी दिली आहे; मात्र नामसाधर्म्यामुळे नातेवाईक, परिचित, मित्रपरिवाराने मंगळवारी जोबनपुत्रा यांना शुभेच्छा देण्यास सुरुवात केली. त्या प्रत्येकाला मी ती नव्हे. पक्षाने हेतल नावाच्या अन्य महिलेस तिकीट दिले आहे, असे त्यांना सांगावे लागले. एकीकडे उमेदवारी डावलल्याचे दुःख, तर दुसरीकडे शुभेच्छेचा प्रत्येक फोन, मेसेज म्हणजे जखमेवरील मिठाप्रमाणे भासला, अशी भावना जोबनपुत्रा यांनी फेसबुक पोस्टद्वारे व्यक्त केली. वरिष्ठ नेत्यांनी अखेरपर्यंत उमेदवारीची आशा दाखवून डावलले, अशी प्रतिक्रियाही त्यांनी नोंदवली आहे.