एबी फॉर्मबाबत आयोगाला पत्र

एबी फॉर्मबाबत आयोगाला पत्र

मुंबई, ता. १ : मुंबई महापालिका निवडणुकीसाठी भाजपचे तिकीट नाकारल्यानंतर वॉर्ड क्रमांक १७३मध्ये शिल्पा केळुस्कर यांची डुप्लिकेट एबी फॉर्म सादर केल्याची तक्रार मुंबई भाजप अध्यक्ष अमित साटम यांनी निवडणूक आयोगाला पत्र लिहून केली असून फॉर्म रद्द करण्याची मागणी केली आहे.
शिल्पा केळुस्कर या मुंबईतील प्रभाग १७३ मधून भाजपच्या उमेदवार होत्या. भाजपने सुरुवातीला शिल्पा केळुस्कर यांना एबी फॉर्म दिला होता; परंतु नंतर पक्षाने तो मागे घेतला. दरम्यान, २०१७ मध्ये चेंबूर येथील वॉर्ड क्रमांक १५२ मध्ये भाजप आणि रिपाइंची युती असताना आशा मराठे यांनी भाजपचा एबी फॉर्म भरला होता. त्या अर्ज मागे घेतील, असे आश्वासन तत्कालीन भाजपकडून देण्यात आले होते; मात्र मराठे यांनी तो अर्ज मागे घेतलाच नाही. त्या निवडणुकीत विजयी झाल्या.