एमपीएड, एमएड सीईटीसाठी नावनोंदणी सुरू

एमपीएड, एमएड सीईटीसाठी नावनोंदणी सुरू
मुंबई, ता. ५ : राज्य सामाईक प्रवेश परीक्षा कक्षातर्फे घेण्यात येणाऱ्या एमपीएड व एमएड अभ्यासक्रमाच्या सीईटी प्रवेश नोंदणीला ५ जानेवारीपासून सुरुवात झाली. ही नोंदणी २० जानेवारीपर्यंत ऑनलाइन पद्धतीने केली जाणार आहे. विद्यार्थ्यांची अचूक माहिती उपलब्ध व्हावी, त्यांची पडताळणी करणे सोपे व्हावे, यासाठी राज्य सामाईक प्रवेश कक्षाने नोंदणीसाठी अपार आयडी व दिव्यांग विद्यार्थ्यांना यूडीआयडी बंधनकारक केले आहे. उमेदवारांनी सीईटीच्या तपशीलवार माहिती आणि सूचनांसाठी अधिकृत संकेतस्थळाला भेट द्यावी, असे आवाहन सीईटी कक्षाचे आयुक्त दिलीप सरदेसाई यांनी केले आहे.