‘साडेचार लाख घरांवर सूर्यघर’चे वीज प्रकल्प

‘साडेचार लाख घरांवर
सूर्यघर’चे वीज प्रकल्प
मुंबई, ता. २३ : प्रधानमंत्री सूर्यघर मोफत वीज योजनेंतर्गत राज्यात घराच्या छतावर सौरऊर्जानिर्मिती प्रकल्प बसवले जात आहेत. त्यानुसार दोन वर्षांत महावितरणने चार लाख ५३ हजार वीजग्राहकांच्या घरी या योजनेचा लाभ देऊन सौर प्रकल्प बसवले आहेत. त्याची एकूण क्षमता १७२२ मेगावाॅट आहे. तसेच सौर प्रकल्पाच्या उभारणीसाठी ग्राहकांना केंद्राच्या तब्बल ३,१६२ कोटी रुपयांचा लाभ मिळाला आहे. महावितरणच्या सौरग्राम योजनेत आतापर्यंत १७ गावे सौरग्राम झाली आहेत.