भरती प्रक्रियेत गैरप्रकार चार उमेदवारांवर गुन्हा

भरती प्रक्रियेत गैरप्रकार
चार उमेदवारांवर गुन्हा
मुंबई : मरोळ येथे सुरू असलेल्या पोलिस भरती प्रक्रियेत गैरप्रकार करणाऱ्या चार उमेदवारांविरोधात पवई पोलिस ठाण्यात गुन्हा नोंदविण्यात आला आहे. ओमकार पवार (नाशिक) आणि सुयश खांडे (मुंबई) यांनी १,६०० मीटर धावणीत (४०० मीटरच्या चार फेऱ्या) एकही फेरी न मारताच चाचणी पूर्ण केल्याचे भासवले. त्यांचे गुण पाहून परीक्षा घेणाऱ्या पोलिसांना संशय आला. सीसीटीव्ही चित्रण पडताळल्यावर ही चोरी पकडली गेली. अन्य प्रकरणात एका उमेदवाराची ४०० मीटर धावणी शर्यत दुसऱ्या उमेदवाराने दिल्याचे उघड झाले. ओमकार बबन वांजूळ आणि सागर टिळे यांच्याविरोधात गुन्हा नोंदवण्यात आला.