तेल फलाटावरील चोरट्यांना अटक

तेल फलाटावरील
चोरट्यांना अटक
मुंबई, ता. १८ ः अरबी समुद्रातील ओएनजीसीच्या तेल फलाटावरील लाखो रुपयांच्या इलेक्ट्रॉनिक सामग्रीची चोरी करणाऱ्या तिघांना येलो गेट पोलिसांनी अटक केली. आरोपीकडून सुमारे ११ लाख मूल्य असलेल्या ४९ बॅटरी बँक हस्तगत केल्या. चोरीसाठी वापरण्यात आलेली मासेमारी बोट जप्त केली. चंद्रकांत पाटील, संतोष पाटील आणि विद्याधर म्हात्रे अशी अटक आरोपींची नावे असून ते पेण जिल्ह्यातील दादर, वशेणी गावातील रहिवासी आहेत. मार्च महिन्यात तेल फलाटावरील सामग्री चोरीच्या चार घटना घडल्या. स्वतंत्र गुन्हे नोंदवून येलो गेट पोलिसांनी तांत्रिक पुरावे आणि खबऱ्यांच्या मदतीने ही गुन्हे उघडकीस आणले.