महिला अधिकारी साहित्य संमेलनाध्यक्षपदी मेहेंदळे

महिला अधिकारी साहित्य
संमेलनाध्यक्षपदी मेहेंदळे

मुंबई, ता. २० : नवी दिल्ली येथे महिला शासकीय अधिकाऱ्यांचे पहिले अखिल भारतीय मराठी साहित्य संमेलन ११ व १२ एप्रिलला हाेणार आहे. या संमेलनाच्या अध्यक्षपदी वरिष्ठ प्रशासकीय (निवृत्त) अधिकारी लीना मेहेंदळे यांची निवड जाहीर करण्यात आली आहे.
पुणे येथील सरहद संस्था, नवीन महाराष्ट्र सदन यांच्या वतीने आणि मराठी भाषा विभागाच्या सहकार्याने या संमेलनाचेे आयाेजन करण्यात आले आहे. छत्रपती महाराणी ताराराणी यांच्या ३५१व्या जयंतीचे औचित्य साधून या संमेलनाचे आयाेजन करण्यात आले आहे. या संमेलनाच्या अध्यक्षपदी लीना मेहेंदळे यांची निवड करण्यात आल्याची घाेषणा संमेलनाच्या निमंत्रक आर. विमला तसेच स्वागताध्यक्ष सुप्रिया देवस्थळी यांनी शुक्रवारी प्रसिद्धिपत्रकाद्वारे केली.
मेहेंदळे यांचे विविध विषयांवर ५००पेक्षा अधिक लेख आणि २४ पुस्तके प्रकाशित झाली आहेत. त्यांनी कवी कुसुमाग्रजांच्या कवितांचा हिंदी भाषेत अनुवाद केला आहे. त्यांची १९ पुस्तके अनुवादाची आहेत. लहान मुलांसाठीही त्यांनी विपुल लेखन केले आहे.