सीएसएमटी-नांदेड वंदे भारतला ‘नवा वेग’; ३ मेपासून बदललेले वेळापत्रक लागू!

सीएसएमटी-नांदेड
वंदे भारतच्या वेळेत बदल
मुंबई, ता. २१ : मध्य रेल्वेने सीएसएमटी-नांदेड वंदे भारत एक्स्प्रेसच्या वेळेत बदल केला आहे. पूर्वी १.१० वाजता सुटणारी सीएसएमटी-नांदेड गाडी दुपारी १:१५ वाजता सुटेल आणि नांदेड येथे रात्री १०:२५ वाजता पोहोचेल. पूर्वी ती १०:५० वाजता पोहोचत होती. नांदेड-सीएसएमटी गाडी पूर्वी पहाटे ५ वाजता सुटत होती, आता ती ५:२० वाजता सुटेल आणि सीएसएमटी येथे गाडी दुपारी २:१५ वाजता पोहोचेल. पूर्वी ती २:२५ वाजता पोहोचत होती. ठाणे, कल्याण, नाशिक रोड आणि मनमाड येथील वेळेत कोणताही बदल करण्यात आलेला नाही. नवे वेळापत्रक ३ मे २०२६ पासून लागू होणार आहे.