अवघ्या १६ दिवसांत तृतीय वर्ष बीकॉम सत्र ५ चा निकाल जाहीर

तृतीय वर्ष बीकॉमचा निकाल जाहीर

मुंबई, ता. २८ : मुंबई विद्यापीठाच्या प्रथम सत्र उन्हाळी २०२६ मार्चमध्ये घेण्यात आलेल्या तृतीय वर्ष बीकॉम सत्र ५ परीक्षेचा निकाल लागला आहे. अवघ्या १६ दिवसांत हा निकाल विद्यापीठाने जाहीर केला आहे. या परीक्षेसाठी एकूण २५,९२० विद्यार्थी बसले होते. त्यापैकी २३,९६५ विद्यार्थ्यांनी परीक्षा दिली. ९,८११ एवढे विद्यार्थी उत्तीर्ण झाले असून उत्तीर्णतेची टक्केवारी ४०.९७ एवढी आहे. या परीक्षेचा निकाल https://www.mumresults.in/ या संकेतस्थळावर आहे. परीक्षा संपल्यापासून ते जलदगतीने मूल्यांकन करून सहकार्य केल्याबद्दल या प्रक्रियेत सहभागी सर्व घटकांचे संचालकांनी आभार मानले आहेत.