शाळांना २ मेपासून उन्हाळी सुट्टी

शाळांना २ मेपासून उन्हाळी सुट्टी

मुंबई, ता. २८ : राज्य मंडळाच्या अखत्यारीतील सर्व प्राथमिक, माध्यमिक आणि उच्च माध्यमिक शाळांचा शैक्षणिक वर्ष २०२५-२६चा निकाल १ मे रोजी जाहीर केला जाणार आहे. त्यानंतर २ मेपासून विद्यार्थ्यांना उन्हाळी सुट्टी लागणार असल्याची माहिती शालेय शिक्षण विभागाने दिली आहे. शालेय शिक्षण विभागाकडून दरवर्षीप्रमाणे यंदाही शैक्षणिक नियोजन आखण्यात आले असून, त्यानुसार उन्हाळी सुट्ट्यांची सुरुवात २ मेपासून होईल. तसेच पुढील शैक्षणिक वर्षासाठी शाळा १५ जूनच्या सुमारास सुरू होण्याची शक्यता आहे.
पहिली ते नववी इयत्तेतील विद्यार्थ्यांचे निकाल १ मे रोजी जाहीर करण्यात येणार असून, त्याच दिवशी त्यांना गुणपत्रिकांचे वाटप केले जाईल. यासोबतच शाळा व व्यवस्थापनांसाठी प्रत्येक विद्यार्थ्याच्या उत्तरपत्रिका पालकांना दाखवणे बंधनकारक करण्यात आले आहे.