मुरुड - खोरा बंदर नजिक च्या इमारतीला आग लागुन लाखोंचे नुकसान अनिशमन दलामुळे आग आटोक्यात सुदैवाने जीवित हानी नाही

घरातील आगीत लाखोंचे नुकसान

मुरूड, ता. ४ (बातमीदार) ः एकदरा ग्रामपंचायतीतील खोराबंदरजवळ हिरा निवासमध्ये दुसऱ्या मजल्‍यावर राहणाऱ्या अजय शिंदे यांच्या घराला गुरुवारी पहाटे शॉर्टसर्किटमुळे आग लागली. यात लाखो रुपयांचे साहित्य खाक झाले. एकदरा-खोरा बंदर परिसरात मनोज सातविडकर व बंड्या सातविडकर यांना हिरा निवास इमारतीच्या दुसऱ्या मजल्यावरून धूर आणि आगीचे लोट येताना दिसले. त्‍यांनी त्‍वरित अजय शिंदे व त्‍यांच्या कुटुंबीयांना घराबाहेर काढल्‍याने जीवितहानी टळली. घटनेची माहिती मिळताच मुरूड-जंजिरा नगरपरिषदेच्या अग्निशमन दलातील कर्मचाऱ्यांनी घटनास्थळी दाखल होत आग विझवली. मंडळ अधिकारी खुशाल राठोड व तलाठी पूजा विरकुड यांनी घटनास्थळी भेट देऊन पंचनामा केला असून आगीत १८ लाख ७० हजारांचे नुकसान झाल्‍याची नोंद केली.