काशीद समुद्र किनारी बुडालेल्या युवकाचा मृतदेह सापडला

काशीद समुद्रकिनारी बुडालेल्या युवकाचा मृतदेह सापडला
मुरुड, ता. ३ (बातमीदार) : मुरुड तालुक्यातील काशीद समुद्रकिनारी मंगळवारी (ता. १) समुद्रात पोहण्यास उतरलेल्या चार युवकांपैकी तनिष्क मल्होत्रा (वय २०) पाण्यात वाहून गेला होता. अखेर ४८ तासांनंतर गुरुवारी (ता. ३) त्याचा मृतदेह काशीद समुद्रकिनारी सापडला आहे. बुडाल्याची घटना कळताच तत्काळ बचावकार्य सुरू करण्यात आले होते. मुरुड पोलिसांनी थर्मल ड्रोन, तटरक्षक दलाचे हेलिकॉप्टर तसेच अन्य तत्सम मदत घेऊन शोधकार्य सुरू होते. अखेर गुरुवारी तनिष्कचा मृतदेह काशीद समुद्रकिनारी आढळून आला. तनिष्क हा डिप्लोमा इंजिनिअरिंगच्या शेवटच्या वर्षात शिकत असल्याचे त्याच्या नातेवाइकांनी सांगितले.