महिला बेपत्ता होण्याचे सत्र

महिला बेपत्ता होण्याचे सत्र
म्हसळा तालुक्यात दोन घटनांची नोंद
म्हसळा, ता. ७ (बातमीदार)ः तालुक्यातील तोराडी आदिवासीवाडी येथील ७६ वर्षांची वृद्ध महिला तर लेप गावातून विवाहित महिला लहान मुलीसह बेपत्ता आहे. याप्रकरणी म्हसळा पोलिस ठाण्यात गुन्हा दाखल करण्यात आला आहे.
निर्मला पवार (वय ७६) वृद्ध महिला अंगाने सडपातळ, रंग गोरा, अंगावर पांढऱ्या रंगाची साडी नेसून मौजे तोराडी आदिवासीवाडी येथून २९ जुलैपासून बेपत्ता झाली आहे. तर दुसऱ्या घटनेत प्रिया तांबडे (वय २८) रंग गोरा, अंगाने सडपातळ, उंची पाच फूट, तिची मुलगी कुमारी वेदा तांबडे (वय आठ) सह ९ जून २०२५ पासून लेप येथील घरातून बेपत्ता आहे. या दोन्ही महिलांबाबत काही माहिती असल्यास म्हसळा पोलिस ठाण्याशी संपर्क करण्याचे आवाहन करण्यात आले आहे.
-------------------------------------------
पोलिस यंत्रणा सतर्क
कणघर येथे वृद्ध महिलेची अंगावरील दागिने चोरण्यासाठी दोन अल्पवयीन मुलांनी गळा दाबून हत्या करण्यात आली होती. तर दुसऱ्या घटनेत म्हसळा शहरात वृद्धाला नातवाने तीक्ष्ण हत्याराने मारले होते. या घटना ताज्या असतानाच आता तिघेजण बेपत्ता आहेत.